Kven har rett på fritak for bompengar?

Veronica Solås

Med rett til fritak kan du passere gjennom bomstasjonane gratis.
Køyretøygrupper merkte med * må ha ein gyldig AutoPASS-avtale og brikke i køyretøyet for å få fritak eller redusert betaling. Fritak må dokumenterast.

Desse gruppene er fritekne for betaling:

  • Passasjerar i alle typar køyretøy
  • Gåande og syklande
  • Køyretøy som i vognkortet blir karakterisert som motorsyklar og mopedar og ATV registrert som firehjuls motorsykkel.
  • Kollektivtransport i rute*
  • Uniformerte utrykkingskøyretøy, og sivile utrykkingskøyretøy i tenesteoppdrag*
  • Forflyttingshemma* (Fritaket gjeld berre i bomringar, og med parkeringsløyve frå kommunen.)

Særskilde merknader:

  • ATV registrert som traktor har ikkje fritak for bompengar.
  • Traktor er ikkje friteken for bompengebetaling.
    • Reduksjon Finnfast: Traktor går som lett køyretøy. AutoPASS-avtale er ein føresetnad.
  • Nullutsleppskøyretøy ( Køyretøy som er elektrisk drivne, og har drivstoffkode 5 i vognkortet og Hydrogenkøyretøy med drivstoffkode 6 i vognkortet) har ikkje lengre fritak i alle bompengeanlegg, og vil i stadig fleire anlegg betale redusert takst for passering.*
    Bompengeanlegg som har innført betaling for nullutsleppkøyretøy finn du HER.